ഉത്തരം?... ചോദ്യം......!!

കുറെയേറെ ചോദ്യങ്ങള്‍
എങ്കിലും ഉത്തരക്കടലാസ് ശൂന്യമാണ്
ഉത്തരം കിട്ടാത്ത ചോദ്യങ്ങള്‍
ചോദ്യങ്ങളാണോ...?

നനഞ്ഞ കടലാസ് തുണ്ടം
മഴക്കാലത്തെ സൂചിപ്പിക്കുന്നു
ജനല്‍ തുറന്നാനിരിക്കുന്നത്
മഴതുല്ലികള്‍ക്ക് സ്വാഗതം

പേന, തന്‍റെ   അവസാന തുള്ളി രക്തവും
കടലാസിനു ദാനം ചെയ്ത്
നിസ്സഹായനായി
ഇനിയും വരക്കാനൊരു ശ്രമം

കൈകള്‍ ,‍ ലക്ഷ്യമില്ലാതെ
ജീവനറ്റ തൂലിക കൊണ്ട്
അവിടെയും ഇവിടെയും കോറിയിടുന്നു
മോഡേണ്‍ ആര്‍ട്ട്‌ !!

ഇപ്പോള്‍ കടലാസ്
പുരാതന കെട്ടിടത്തിന്‍റെ
ഓലമേഞ്ഞ ഭിത്തിയെ അനുസ്മരിപ്പിക്കുന്നു
ദ്വാരങ്ങള്‍ എണ്ണാന്‍ മാത്രം
സംഖ്യകള്‍ സംഖ്യാരേഖയിലില്ല

വീര്‍ത്ത കണ്ണുകള്‍
ഉച്ചയുറക്കത്തിനു ദാഹിക്കുന്നു
സ്വപ്നങ്ങള്‍ക്ക് അര്‍ദ്ധവിരാമമിട്ട്
കണ്ണുകള്‍ വീണ്ടും
അക്ഷരങ്ങളുടെ അനന്തതയിലേക്ക്
ന്യുട്ടനും പ്ലാങ്ക്സും ആവര്‍ത്തന വിരസത സൃഷ്ടിക്കുന്നു
മസ്തിഷ്ക്കത്തിനു കോട്ടം തട്ടാതിരിക്കാന്‍
ഇരു ചെവികളും സഹകരനത്തിലാണ്
ഒരു ചെവി കേള്‍ക്കുന്നുവത്രേ
മറു ചെവി അറിയില്ല.

ഇനിയും........ ഉത്തരക്കടലാസ് ശൂന്യമാണ്..........